لە میانەی ستراتیژیەتی خۆی كە بونیاد نراوە لەسەر پاڵپشتی کردنی لاوان و جەخت کردنەوە لەسە پێگەیاندنیان، كۆمپانیای (زێن) كە یەكێكە لە كۆمپانیاكانی گروپی (زێن)ی پێشەنگ لە خزمەتگوزاری گەیاندن و زانیاری گواستراوە لە ناوچەی رۆژهەڵاتی ناوەڕاست و باكووری ئەفریقیا,چەند وۆرك شۆپی لە زانكۆكانی موستنەسریە و تەكنیكي ناوەندی و نەهرێن و تەكنۆلژیای بەغدا و مەنسور و چەند زانكۆیەكی دیكەی عێراق كردەوە بە مەبەستی رەخساندنی ژینگە لەبەردەم لاوانی عێراق بۆ بونیادنانی دواڕۆژێكی باشتر، ئەم وۆركشۆپانە چەندین تەوەری وشیار كردنەوەی لە خۆ دەگرت دەربارەی تاوانی ئەلیكترۆنی و چۆنیەتی بەڕێوەبردنی پرۆژەكان و سەركردایەتی كردن و گونجان لەگەڵ ژینگەی كار و بەڕێوەبردنی داتاكان، ئەم هەنگاوەش لە میانەی بڕوا بوونی زێنی عێراق دەدەت بەوەی كە لاوان دڵی زیندووی كۆمەڵگای عێراقن، هەروەها جەخت كردنەوەیە لەسەر پێشكەشكردنی پاڵپشتی و هاندانی تواناكانی لاوان بە پشت بەستن بە چەندین ئامرازەكان بۆ یارمەتیدان و هاندانیان.
عەلی زاهد سەرۆكی جێبەجێكاری زێنی عێراق روونیكردەوە كە زێنی عێراق بە پەرۆشە بۆ ئەوەی نزیك بێت لە لاوانی عێراق و ژیانی رۆژانەیان و لەگەڵ پەرەسەندن و ئەو شۆڕشەی كە بواری تەكنۆلۆژیا بەخۆی بینیوە، بە پێویستمان زانی كە لاوەكانمان نزیك بن لەو پەرەسەندن و پێشكەوتنانە و ئەو بازدانە كە كاریگەرییەكی ئەرێنیی دەبێت و پێویستە بە هەندی وەربگرین.
لەلایەكی دیكەوە زاهد وتی: ئەم جۆرە خولانە كە پەیوەستن بە بوارەكانی بەڕێوەبردن و تەكنۆلۆژیا، كارێكە پێویستە بە هەند وەربگیرێن، چونكە سەركەوتن بەستراوەتەوە بە بەڕێوەبردنێكی هاوچەرخ كە گونجاو بێت لەگەڵ شۆڕشی ئێستای تەكنۆلۆژیا، لێرەوە زێن بەپەرۆش بوو بۆ ئامادەكردن كۆمەڵێك وانە و وۆركشۆپی هوشیار كردنەوە كە دەبنە هۆی فەراهەم كردنی كەشێك بۆ نەوەكانی داهاتوو لە لاوە پێگەیشتووەكانمان، ئەو نەوەیەی كە ئێمە زۆر پشتی پێ دەبەستین بۆ سەركردایەتی كردنی وڵاتەكەمان لەسایەی شۆڕش و پەرەسەندنی تەكنۆلۆژیا و ئەم وۆركشۆپانە زنجیرەی یەكەمی زنجیرەیەك وۆركشۆپی دیكەن كە لە داهاتوودا ساز دەكرێن.
لەلایەن خۆیەوە عومەر محەمەد ناسر بەڕێوەبەری بەشی بەدواداچوون لە وەزارەتی خوێندنی باڵا و توێژینەوەی زانستی خۆشحاڵی خۆی بەم هەنگاوە دەربڕی كە گوزارشت دەكات لەو رۆڵە پێشەنگەی كە زێنی عێراق دەیبینێت وەك نوێنەری كەرتی تایبەت و یارمەتیدانی لاوانی عێراق، جەختیشی كردەوە لەسەر ئەوەی كە ئەم وۆركشۆپ بە بەردی بناغەی بونیادنانی نەوەیەكی وشیار و رۆشنبیر لەبواری ئەلیكترۆنییەوە لە رێگای سوود وەرگرتن لە تواناكانیان، چونكە ئەوان ئێستا لە سەرەتای ژیان دان، ئەمەش بەشێوەیەكی نەرێنی كار دەكاتە ژیانی پیشەییان، چونكە پتەوە و پشت بە جۆریی دەبەستێت، هەروەها جەختی كردەوە لەسەر گرنگی بەردەوام بوونی هەماهەنگی لەگەڵ كەرتی تایبەت، چونكە هاوبەشێكی سەرەكییە لە بونیادنانی هەر كۆمەڵگایەی پێشكەوتوو,
زێنی عێراق پێشتر و ئێستاش بەردەوام لە پاڵپشتی كردنی لاوانی عێراق و لادانی هەموو ئەو ئاستەنگانەی كە رووبەڕوویان دەبنەوە لەژیانی پیشەیی و رۆژانەی خۆیان، پێشتریش زێنی عێراق خولێكی دیكەی كردبۆوە بە ناوی (خۆژیاندن) بۆ دە قوتابی یەكەمی هەریەكە لە زانكۆكانی بەغدا و نەهرێن و موستەنسرییە كە بۆ ماوەی شەش مانگ بەردەوام دەبێت، هەروەها بەرنامەی #هسە كە وەك سەكۆیەكی تایبەتمەندە بۆ لە باوەش گرتنی لاوە بەهرەمەندە عێراقییەكان و هاندانیا بۆ هێنانەدیی پەرەسەندن و بەردەوام لەگەڵ جیهان، ئەم بەرنامەیە پشت بە شێوازە داهێنراوەكان دەبەسترێت بۆ كاراكردنی پەیوەندی لەگەڵ لاوانی عێراق و بە سەرەتایەك دادەنرێت بۆ ئاراستە و زمانێكی نوێ كە بگونجێت لەگەڵ ئاوات و خەونەكانی لاوان.
