كۆمپانیای زین ده‌ستنیشانكرا بۆ دابینكردنی تۆڕی په‌یوه‌ندیكردن له یه‌كه‌مین باڵه‌خانه‌ی دیزاینكراو له‌لایه‌ن "زها حدید" له عێڕاق
بانكی ناوه‌ندی عێڕاقی، كۆمپانیای زینی ده‌ستنیشانكرد، بۆ دیزاینكردنی تەواوی تۆڕی په‌یوه‌ندیكردنی وایەرلێس له باڵه‌خانه‌ی نوێی بانكی ناوه‌ندی له شاری به‌غداد كه به به‌رزترین باڵه‌خانه داده‌نرێت له عێڕاق و له ئێستادا له ژێر پڕۆسه‌ی دروستكردندایه، باڵه‌خانه‌كه له 38 نهۆم پێكدێت و 3 نهۆمی له ژێر ئاستی زه‌ویدایه و به‌رزییه‌كه‌یشی ده‌گاته 172 مه‌تر.
بانكی ناوه‌ندی عێڕاقی، كۆمپانیای زینی ده‌ستنیشانكرد، بۆ دیزاینكردنی تەواوی تۆڕی په‌یوه‌ندیكردنی وایەرلێس له باڵه‌خانه‌ی نوێی بانكی ناوه‌ندی له شاری به‌غداد كه به به‌رزترین باڵه‌خانه داده‌نرێت له عێڕاق و له ئێستادا له ژێر پڕۆسه‌ی دروستكردندایه، باڵه‌خانه‌كه له 38 نهۆم پێكدێت و 3 نهۆمی له ژێر ئاستی زه‌ویدایه و به‌رزییه‌كه‌یشی ده‌گاته 172 مه‌تر.
بانكی ناوه‌ندی عێڕاقی و كۆمپانیای جیبه‌جێكاری پڕۆژه‌كه، دیزاینه پێشكه‌شكراوه‌كانی كۆمپانیای زینیان په‌سه‌ندكرد بۆ دابینكردنی رووماڵی خزمه‌تگوزاری ئینته‌رنێت له ناو باڵه‌خانه‌ی نوێی بانكی ناوبراو، به‌و پێیه‌ی نه‌خشه و دیزاینه‌كانی زین، هاوشانه له‌گه‌ڵ پێشكه‌وتنه‌كانی جیهان و چه‌ندین ته‌كنۆلۆژیای نوێ و كواڵێتی ئاست به‌رز له خۆده‌گرێـت و ته‌واوی كۆمپانیا و تۆڕه‌كان به یه‌كتره‌وه ده‌به‌ستێته‌وه بۆ ئه‌وه‌ی كارمه‌ندان و سه‌ردانیكارانی بانكه‌كه بتوانن به ئاسانی په‌یوه‌ندییه‌كانیان ئه‌نجامبده‌ن له‌م ته‌لاره ناوازه‌یه‌ی پایته‌ختدا.
له‌م باره‌یه‌وه سه‌رۆكی جێبه‌جێكاری كۆمپانیای زین، عه‌لی زاهید ووتی "خۆشحاڵین به هه‌ڵبژاردنی تیمی ته‌كنیكی زین بۆ دیزاینكردن و دابینكردنی تۆڕی ئینته‌رنێت له ناوه‌وه و ده‌ره‌وه‌ی باڵه‌خانه‌ی نوێی بانكی ناوه‌ندی عێڕاقی و هه‌ست به شانازی ده‌كه‌ین كه نه‌خشه پلانه‌كه‌مان په‌سه‌ندكرا بۆ دابینكردنی تۆڕی په‌یوه‌ندیكردن به شێوازێكی سه‌رده‌میانه و پێشكه‌وتوو و به به‌كارهێنانی نوێترین ئامێر و ئامراز له باڵه‌خانه‌یه‌كی پێشكه‌وتوو، كه له‌لایه‌ن كۆچكردوو زها حدید، یه‌كێك له گرنگترین ته‌لارسازه جیهانییه‌كان، نه‌خشه‌سازی بۆ كراوه"
جێی ئاماژه‌پێكردنه، كۆمپانیای زین پێشه‌نگه له‌م بواره‌دا و چه‌ندین پڕۆژه‌ی هاوشێوه‌ی له ئاستی ناوچه‌كه‌دا جێبه‌جێكردووه. هه‌ڵبژاردنی دیزاینه‌كانی زین پاش ئه‌نجامدانی هه‌ڵسه‌نگاندنێكی گشتگیره‌وه دێت له‌سه‌ر بنه‌مای پشتبه‌ستن به پێوه‌ره بابه‌تییه‌كانی نوێترین ئامێر و ته‌كنۆلۆژیا، له پێناو زامنكردنی به‌رزترین كواڵێتی خزمه‌تگوزارییه‌كه له باڵه‌خانه‌كه‌دا و هه‌روه‌ك ده‌سته‌ی گه‌یاندن و په‌یوه‌ندیكردن له‌میانی كۆبوونه‌وه‌یه‌كیدا له‌گه‌ڵ كۆمپانیا په‌یوه‌ندیداره‌كان و نوێنه‌رانی بانكی ناوه‌ندی رایگه‌یاندبوو.