کۆمپانیاى زین کە یەکێکە لە کۆمپانیاکانى گروپى زینى پێشەنگ لەپێشکەشکردنى خزمەتگوزارییەکانى گەیاندن لە خۆرهەڵاتى ناوەڕاست و ئەفەریقا رایگەیاند بەمدواییانە بەهاوکارى کۆمپانیاى جیهانى هواوی پێشەنگ لەبوارى پێشکەشکردنى چارەسەرى تەکنەلۆژیاى زانیارى و گەیاندنەکان کۆتاییهێنا بەپێشخستن و بەرزکردنەوەى تواناى تۆڕى کۆمپانیا لەهەرێمى کوردستانى عێراقدا، و ئەمەش لەچوارچێوەى نوێترین و باشترین تایبەتمەندى نێودەوڵەتیدایە، و لەسۆنگەى بڕوابوونمان بە کارى بەردەوام لەسەر پێشخستنى تۆڕەکەى و باشترکردنییەوە وەک هەوڵدانێک بۆ پێشکەشکردنى بەرزترین ئاستى خزمەتگوزاریى بەشێوەیەکى بەردەوام.
سەرۆکى جێبەجێکارى کۆمپانیا عەلى زاهد دەڵێت "هەروەک بەڵێنمانداوە وەبەرهێنانمان لەپێشخستنى تۆڕەکەماندا بەشێوەیەکى گشتى بەردەوامە و لەنێویاندا پڕۆژەى پێشخستن و نوێکردنەوەى تۆڕ لە کوردستاندا کە تێچووەکەى گەیشتە 46 ملیۆن دۆلار بەهاوکارى کۆمپانیاى هواوى جیهانى وەک هاوبەشێکى ستراتیژیى و وەبەرهێنانەکەشمان لەحەز و ئارەزوومانەوە سەرچاوەى گرتووە لەگەرەنتیکردنى باشترین ئەزموونى بەکارهێنان بۆ بەشداربووانى زین بەشێوەیەکى گشتى و لە کوردستاندا بەشێوەیەکى تایبەت، و بۆ ئەو بازدانە جۆرییەى کە لەئیدارەدانى خزمەتگوزارییە پێشکەشکراوەکاندا بەشێوەیەکى سەراپاگیر نوێدەکرێتەوە، بەوەى کە هواوى جیهانى لەم بوارەدا شارەزاییەکى نایابى هەیە، و ئەمڕۆکە وایلێهاتووە بەشداربووانمان کە لەکوردستاندا گەیشتۆتە زیاتر لە یەک ملیۆن بەشداربوو، لە نوێترین تۆڕ و داهێنەرترینیان و باشترین ئەزموونى گەیاندندا سوودمەند دەبن بەبەرزترین کواڵێتى بەپێى پێوەرە نێودەوڵەتییەکان.
زاهد وتیشى کۆمپانیاکە کۆتاییهێنا بە پێشخستنى تۆڕەکەى لە کوردستاندا و لەرێگەى جێبەجێکردنى چەندین پڕۆژەدا کاریکردووە بۆ فراوانکردنى تۆڕى مۆبایلى سەرەکى جوڵانەوەکە، ئەمەشیان بۆ توانادارکردنى تۆڕبووە لە گواستنەوە و ئاڵوگۆڕى پەیوەندى پێدراوەکان لە تاوەرەکانەوە بۆ ئامێرە ناوەندییەکان بەتەواوى لێهاتووییەوە، لەتەک فراوانکردنى تۆڕى میکرۆییڤ و تۆڕى فایبەرى تیشکیی بۆئەوەى بگاتە پێگە سەرەکییەکان، بە تواناى بەرز و بەمەش کۆمپانیا بەشێوەیەکى رەها لە رووى گەشەکردنەوە خێراترین و پێشکەوتووترین و نوێترینە لە کوردستاندا، و بەشداربووان لە کوردستاندا دەتوانن بەکواڵێتیی و خێراییەکى نایابە ئینتەرنێت بەکاربهێنن.
هەروەها بەڕێز بەڕێوبەرى سەرەکى کۆمپانیاى هواوى- عێراق لى جینگ وتى "ئێمە شانازى بە هاوبەشبوونمان دەکەین لەگەڵ کۆمپانیاى زین ى پێشەنگ لەپێشکەشکردنى چارەسەرى گەیاندنە تەواوکارەکاندا، کە کار بۆ فەراهەمکردن و پێشکەشکردنى نوێترین ئەزموون دەکات بۆ خزمەتگوزارییەکانى گەیاندن لە کوردستاندا، و ئێمە لە کۆمپانیاى هواوى باوەڕمان وایە داهێنانى ئاراستەکراو بۆ کڕیار و بەشداربووانمان کە لەئاستى داخوازییەکانیاندایە هۆکاربووە لەبەدیهێنانى سەرکەوتنى بەردەوام لە بازاڕەکانى گەیاندنى مۆبایلى چوارچێوە بەرفراواندا کە کێبڕکێکارییەکى بەرز بەخۆیەوە دەبینێت".
جێى ئاماژەیە زین هەوڵى زۆر دەدات باشترین چارەسەر و خزمەتگوزاریى پێشکەوتوو پێشکەش بکات، هەروەها بەردەوام هەوڵدەدات پێداویستییەکانى هەموو چین و توێژەکانى کۆمەڵگا دابین بکات، لەگەڵ هەوڵەکانى راگەیاندنى ژمارەیەکى زۆرى دەستپێشخەرییەکانى تایبەت بە گەنجان و پڕۆژەکانى بەرپرس لە رووى کۆمەڵایەتییەوە، ئەمەشیان لەسۆنگەى باوەڕبوونى کۆمپانیایە بە زەرورەت و پێویستى کارى هاوبەش و فەراهەمکردنى خزمەتگوزاریى نایاب و مۆدێرن بۆ تەواوى بازاڕ.