كۆمپانیای زین به‌رده‌وامه له پاڵپشتیكردنی گه‌نجان له رێگای كردنه‌وه‌ی خولێكی راهێنان بۆ 10 له ده‌رچووه یه‌كه‌مه‌كانی زانكۆكان
كۆمپانیای زین به‌رده‌وامه له پاڵپشتیكردنی گه‌نجان له رێگای كردنه‌وه‌ی خولێكی راهێنان بۆ 10 له ده‌رچووه یه‌كه‌مه‌كانی زانكۆكان .
لە سۆنگه‌ی ستراتیژیا و پاڵپشتیکردن له تواناكانی گه‌نجان و جه‌ختكردنه‌وه له‌سه‌ر یارمه‌تیدانیان، کۆمپانیای زین کە یەکێکە لە کۆمپانیاکانی گروپی زین پێشەنگ لە بواری خزمەتگوزارییه‌كانی په‌یوه‌ندییه‌كان و ئینته‌رنێتی گوازراوه لە ناوچەی رۆژھەڵاتی ناوەڕاست و باکووری ئەفریقا، خولی مه‌شقی (خۆ ژیاندن) بۆ 10 له ده‌رچووه یه‌كه‌مه‌كانی زانكۆكانی به‌غدا و نه‌هرێن و موسته‌نسریه كرده‌وه، ئه‌م هه‌نگاوه‌ش له روانگه‌ی بڕوابوونی كۆمپانیای زین سه‌رچاوه‌ی گرتووه كه بڕوای وایه گه‌نجان دڵی زیندووی كۆمه‌ڵگان و هه‌روه‌ها جه‌ختده‌كاته‌وه له‌سه‌ر پلان و دیدگاكانی كۆمپانیا بۆ پێشكه‌شكردنی هه‌موو پاڵپشتیی و هاندانێك بۆ ووزه و تواناكانی گه‌نجان له رێگای چه‌ندین ئامرازه‌وه بۆ یارمه‌تیدان و هاندانیان له پێناو گۆڕینی بیرۆكه‌كانیان بۆ پرۆژه‌ی سه‌ركه‌وتوو.
له باره‌ی ئه‌م پرۆژه‌یه‌وه به‌ڕێز عه‌لی زاهید سه‌رۆكی جێبه‌جێكاری كۆمپانیای زین ئه‌م هه‌نگاوه‌ی به ته‌واوكه‌ری پلانه‌كانی كۆمپانیای زین بۆ پاڵپشتیكردنی گه‌نجان دانا و ووتی: زین پاڵپشتیكردنی گه‌نجان كه گرنگترین توێژی كۆمه‌ڵگان به ئه‌ركی خۆی زانیوه و له پێناو دابینكردنی پاڵپشتی راسته‌قینه بۆ ئه‌م توێژه، ئه‌مڕۆ ئه‌م خوله‌مان ده‌ستپێكردووه تا له رێگایه‌وه قوتابییه سه‌ركه‌وتووه‌كانمان له خوێندنی زانكۆ (ده ده‌رچووه یه‌كه‌مه‌كان) ده‌ستبكه‌ن به ژیانی ئه‌كادیمی و خۆگونجاندن له‌گه‌ڵ ژینگه‌ی راسته‌قینه‌ی كار، چونكه یه‌كه‌م شت كه رووبه‌ڕووی ئه‌م توێژه ده‌بێته‌وه بریتییه له بابه‌تی شاره‌زایی كه یه‌كێكه له سه‌ره‌كیترین داخوازییه‌كانی ئه‌و كۆمپانیا و ده‌زگایانه‌ی به نیازن هه‌لی كار بڕه‌خسێنن، سه‌ره‌ڕای سه‌ختی به ده‌ستخستنی ئه‌و شاره‌زاییه له راستینه‌ی ژیان و ئه‌و ئاسته‌نگییانه‌ی له ژیانی رۆژانه‌یاندا رووبه‌ڕوویان ده‌بێته‌وه، لێره‌دا ئامانجی گرنگی ئه‌م خوله ده‌رده‌كه‌وێت كه ئه‌ویش نه‌هێشتنی ئه‌و ئاسته‌نگیانه‌یه.
هه‌روه‌ها به‌ڕێز زاهید له درێژه‌ی لێدوانه‌كه‌یدا ووتی " خۆ ژیاندن ده‌رفه‌ت بۆ قوتابییه سه‌ركه‌وتووه‌كان ده‌ڕه‌خسێنێت كه ژماره‌یان (30) قوتابییه له زانكۆكانی یه‌غدا و موسته‌نسریه و نه‌هرێن بۆ ئه‌وه‌ی بخزێنه نێو كه‌شوهه‌وای كاری راسته‌قینه و ده‌ستخستنی شاره‌زایی له به‌شه‌كانی فرۆشتنی راسته‌وخۆ و ته‌كنۆلۆژیای زانیارییه‌كان و تۆڕه‌كان و راژه‌ی به‌شدرابووان و فرۆشتن و شیكردنه‌وه‌كان، هاوكات له‌گه‌ڵ په‌یوه‌ندی داموده‌زگاكان به‌مه‌ش بڕوانامه‌ی رێزلێنان و نووسراوی رێنمایی وه‌رده‌گرن.
لای خۆیه‌وه د. عومه‌ر محه‌مه‌د ناسر به‌ڕِێوه‌به‌ری به‌شی به‌دواداچوون له وه‌زاره‌تی خوێندنی باڵا وتوێژینه‌وه‌ی زانستی ووتی: ئێمه ستایشی ئه‌م ده‌ستپێشخه‌رییه بێ وێنه‌یه‌ی كۆمپانیای زین ده‌كه‌ین، چونکە ئەم دەستپێشخەرییە دوای هەماهەنگییەکی باڵای نێوان کۆمپانیاکە لەلایەک و وەزارەت و زانکۆکان لەلایەکی دیکەوە دێت و لە ئەنجامدا ئەم هەماهەنگییە هاتە ئاراوە کە لەوانەیە هێڵی یەکەم لەسەر رێگای درووست بنیاتده‌نێت بۆ بەهێزکردنی ژیانی پیشەیی قوتابییە خۆشەویستەکانمان.
شایەنی باسە كۆمپانیای زین پێشتر بەرنامەی (# هسە- الیه)ی راگەیاند وەک سەکۆیەکی تایبەتمەند بۆ لە باوەشگرتنی تواناكانی گه‌نجان و هاندان و پاڵپشتیکردنیان بۆ هێنانەدی پەرەسەندن و بەردەوام بوون لەگەڵ جیهان، ئەم بەرنامەیه پشت بە شێوازە داهێنراوەکان دەبەستێت بۆ کاراکردنی پەیوەندی لەگەڵ گه‌نجان و سەرەتایەکە بۆ دەستپێکردنی رێبازێکی نوێ و زمانێکی نوێ کە لەگەڵ ئاوات و خەونەکانی گه‌نجان بگونجێت.