زین پێشوازی له بڕیاره‌كه‌ی ئه‌نجومه‌نی وه‌زیرانی عێراق ده‌كات، سه‌باره‌ت به هه‌ڵوه‌شاندنه‌وه‌ی باجی فرۆشتنی سه‌ر كارته‌كانی پڕكردنه‌وه و خزمه‌تگوزارییه‌كانی ئینته‌رنێت.
له به‌یاننامه‌یه‌كی رۆژنامه‌وانیدا، كۆمپانیای زین عێراق، پێشوازی خۆی بۆ بڕیاره‌كه‌ی ئه‌نجومه‌نی وه‌زیرانی عێراق ده‌ربڕی، بۆ هه‌ڵوه‌شاندنه‌وه‌ی 20% باجی سه‌پێندراوی فرۆشتن به‌سه‌ر ته‌واوی جۆره‌كانی كارته‌كانی پڕكردنه‌وه‌ی (كاغه‌زیی و ئه‌لیكترۆنیی) و خزمه‌تگوزارییه‌كانی ئینته‌رنێت بۆ ته‌واوی هێڵه‌كانی پرۆپه‌ید و پۆستپه‌ید.
له به‌یاننامه‌یه‌كی رۆژنامه‌وانیدا، كۆمپانیای زین عێراق، پێشوازی خۆی بۆ بڕیاره‌كه‌ی ئه‌نجومه‌نی وه‌زیرانی عێراق ده‌ربڕی، بۆ هه‌ڵوه‌شاندنه‌وه‌ی 20% باجی سه‌پێندراوی فرۆشتن به‌سه‌ر ته‌واوی جۆره‌كانی كارته‌كانی پڕكردنه‌وه‌ی (كاغه‌زیی و ئه‌لیكترۆنیی) و خزمه‌تگوزارییه‌كانی ئینته‌رنێت بۆ ته‌واوی هێڵه‌كانی پرۆپه‌ید و پۆستپه‌ید.
هه‌روه‌ك له به‌یاننامه‌كه‌ی حكومه‌تدا ئاماژه‌یپێكراوه، ئه‌و باجه له ساڵی 2015 سه‌پێندراوه‌ته سه‌ر فرۆشتنی كارته‌كانی پڕكردنه‌وه و خزمه‌تگوزارییه‌كانی ئینته‌رنێت و ساڵانه به‌پشتبه‌ستن به یاسای بودجه نوێده‌كرایه‌وه.
له‌م باره‌یه‌وه، كۆمپانیای زین عێراق روونیكرده‌وه، بڕیاری هه‌ڵوه‌شاندنه‌وه‌ی باجی فرۆشتنی سه‌ر كارته‌كانی پڕكردنه‌وه و خزمه‌تگوزارییه‌كانی په‌یوه‌ندیكردن، كاریگه‌رییه‌كی ئه‌رێنی هه‌یه بۆ به‌شداربووی عێراقی.
هه‌روه‌ها، كۆمپانیای زین عێراق، سوپاس و پێزانینی خۆی ئاراسته‌ی هه‌ریه‌ك له سه‌رۆك وه‌زیران و ئه‌نجومه‌نی وه‌زیران و ده‌سته‌ی راگه‌یاندن و په‌یوه‌ندیكردن و وزاره‌تی په‌یوه‌ندیكردن و ته‌واوی ئه‌و لایه‌نانه ده‌كات كه به‌شدارییانكردووه له به‌دیهێنانی ئه‌م داواكارییه و هه‌ڵوه‌شاندنه‌وه‌ی باجی فرشتن.
جێی وه‌بیرهێنانه‌وه‌یه، كۆمپانیای زین ماوه‌یه‌كی زۆره ئه‌و داواكارییه‌ی ئاراسته‌ی لایه‌نه په‌یوه‌ندیداره‌كان كردووه و هاوكات چه‌ندین توێژینه‌وه‌ی خستووه‌ته‌ڕوو ده‌رباره‌ی بایه‌خ و گرنگی هه‌ڵوه‌شاندنه‌وه‌ی ئه‌م باجه و هه‌روه‌ها كاریگه‌رییه ئه‌رێنییه‌كانی له‌سه‌ر به‌شداربووان.