كۆمپانیای زین بە پشتبەستن بە به‌كارهێنانی تەكنۆلۆژیای (vEPC) هه‌ڵده‌ستێت به نوێكردنه‌وه‌ی تۆڕەكه‌ی.
كۆمپانیای زین بە پشتبەستن بە به‌كارهێنانی تەكنۆلۆژیای (vEPC) هه‌ڵده‌ستێت به نوێكردنه‌وه‌ی
- كۆمپانیای زین به هه‌ماهه‌نگی له‌گه‌ڵ كۆمپانیای ئەریكسۆن هه‌ڵده‌ستێت به پێشخستنی تۆڕه‌كه‌ی بە پشتبەستن بە به‌كارهێنانی تەكنۆلۆژیای (vEPC) به‌هۆی زیادبوونی خواستی به‌كارهێنانی ئینته‌رنێت له‌لایه‌ن به‌شداربووانه‌وه.
- له رێگای ئه‌م هه‌نگاوه‌وه كۆمپانیای زین ده‌توانێت خزمه‌تگوزاری نوێ پێشكه‌ش به به‌شدرابووانی بكات هاوكات له‌گه‌ڵ پارێزگاریكردن له ئاستی باڵای تۆڕه‌كه‌ی و به‌دیهێنانی خواسته‌كانی به‌شداربووان.
Zain Iraq hasكۆمپانیای زین، ئه‌ریكسۆنی (ناوه تۆماركراوه‌كه‌ی لای ناسداك: ئه‌ریك) ده‌ستینشانكرد بۆ نوێكردنه‌وه‌ی تۆڕه‌كه‌ی له رێگای به‌كارهێنانی سیسته‌می (vEPC) به‌مه‌به‌ستی دابینكردنی خواسته‌كانی به‌شداربووان بۆ به‌كارهێنانی ئینته‌رنێت له ناوچه‌كه.
له چوارچێوه‌ی ئه‌م هه‌ماهه‌نگییه، كۆمپانیای ئه‌ریكسۆن هه‌ڵده‌ستێت به نوێكردنه‌وه‌ی ژێرخانی ئێستای تۆڕی زین و ئه‌ویش له رێگای پشتبه‌ستن به چاره‌سه‌رییه‌ك كه رێگا بۆ كۆمپانیاكانی په‌یوه‌ندییه‌كان خۆشده‌كات بۆ پێشكه‌شكردنی خزمه‌تگوزارییه نوێیه‌كانیان به به‌شداربووان به خێراییه‌كی گه‌وره‌وه، هاوكات له‌گه‌ڵ پارێزگاریكردن له ئاستی باڵای تۆڕه‌كه‌ی و به‌دیهێنانی خواسته‌كانی به‌شداربووان.
هه‌روه‌ها ئه‌ریكسۆن هه‌ڵده‌ستێت به نوێكردنه‌وه‌ی ژێرخانی كۆمپانیای زین له رێگای به‌كارهێنانی سیسته‌می NFVكه به شێوه‌یه‌كی به‌رنامه‌دارێژراو ژێرخانی ئینته‌رنێت به قه‌باره‌یه‌كی گه‌وره‌وه دابینده‌كات، هه‌ر له چوارچێوه‌ی ئه‌و نه‌خشه رێگا چاره‌سه‌رییه ئه‌ریكسۆن خزمه‌تگوزارییه‌كی گشتگیری رێكخراو دابینده‌كات كه توانای پاڵپشتیكردنی خزمه‌تگوزارییه جیاوازه‌كانی هه‌یه.
له‌م باره‌یه‌وه به‌ڕێز عه‌لی زاهید سه‌رۆكی جێبه‌جێكاری كۆمپانیای زین رایگه‌یاند "متمانه‌یه‌كی ته‌واومان هه‌یه كه چاره‌سه‌رییه‌كانی تۆڕی ئه‌ریكسۆن رێگا خۆشكه‌رده‌بێت بۆ جێبه‌جێكردنی ئامانجه ستراتیژییه‌كانمان، و دابینكردنی پێداویستییه‌كانی به‌شداربووانمان هاوكات به‌رده‌وابوونمان له‌سه‌ر پێشكه‌شكردنی توانایه‌كی گه‌وره به‌مه‌به‌ستی دابینكردنی خواسته‌كانی به‌شداربووان بۆ به‌كارهێنانی ئینته‌رنێت."
له درێژه‌ی لێدوانه‌كه‌یدا عه‌لی زاهید ووتی:" ئه‌و وه‌به‌رهێنان و نوێكردنه‌وانه‌ی له‌سه‌ر تۆڕه‌كه‌مان ئه‌نجامی ده‌ده‌ین، نیشانه‌ی نموونه‌یه‌كی زیندووه بۆ باشتركردنی ئاینده‌ی چالاكییه‌كانمان له پێناو سوود گه‌یاندن به هه‌موولایه‌ك، هاوكات ئاماژه‌یه‌كه بۆ پابه‌ندبوونمان بۆ دابینكردنی خزمه‌تگوزارییه‌كانی په‌یوه‌ندییه‌كانی مۆبایل له عێراق به باڵاترین ئاست و به كواڵیتییه‌كی به‌رزه‌وه ئه‌ویش له رێگای ژێرخانه پێشكه‌وتووه‌كه‌مان له بواری ته‌كنۆلۆژیا، كه گه‌ره‌نتی پێشكه‌شكردنی باشترین خزمه‌تگوزاری به به‌شداربووانمان ده‌كات".
لای خۆیه‌وه به‌ڕێز رافیه ئیبراهیم سه‌رۆكی ئه‌ریكسۆن له رۆژهه‌ڵاتی ناوه‌ڕاست و ئه‌فریقا له باره‌ی ئه‌م هه‌ماهه‌نگییه‌ی نێوان كۆمپانیای زین و ئه‌ریكسۆن رایگه‌یاند " ئه‌م هه‌ماهه‌نگییه ده‌ستكه‌وتێكی گرنگه بۆ ئه‌ریكسۆن، هه‌وڵده‌ده‌ین هه‌ماهه‌نگییه‌كه قوڵتربكه‌ینه‌وه له‌گه‌ڵ كۆمپانیای زین هاوكات پابه‌ند ده‌بین به به‌ده‌ستهێنانی سه‌ركه‌وتنی گه‌وره‌تر بۆ به‌كارهێنه‌رانمان، عێراق له گرنگترین بازاڕه‌كانه بۆ پێشخستنی تۆڕی په‌یوه‌ندییه‌كانی مۆبایل و پێشكه‌وتنێكی گه‌وره‌ی له‌م بواره‌وه به خۆوه بینیوه، به‌و پێیه‌ی به‌كارهێنه‌رانی عێراقی په‌رۆشن بۆ تاقیكردنه‌وه‌ی ته‌كنۆلۆژیای نوێ، نوێكردنه‌وی تۆڕ و هێنانه‌ئارای ته‌كنیكی نوێ بابه‌تێكی بایه‌خدار ده‌بێت له پێناو به‌دیهێنانی خواسته‌كانیان".
پاكێجه‌كه‌ی ئه‌ریكسۆن له نوێكردنه‌وه‌ی تۆڕی كۆمپانیای زین، پاڵپشته به توانایه‌كی گه‌وره له رووی ژینگه‌ییه‌وه، هه‌روه‌ها چارسه‌رییه‌كی گه‌وره پێشكه‌ش ده‌كات و چه‌ندین حاڵه‌ت له خۆ ده‌گرێت بۆ به‌كارهێنانی به شێوه‌یه‌كی ئاسۆیی، ئه‌م تایبه‌تمه‌ندییانه‌ش هه‌لێكی گه‌وره ده‌ڕه‌خسێنێت بۆ كۆمپانیاكانی په‌یوه‌ندییه‌كان بۆ پێشخستنی خزمه‌تگوزارییه پێشه‌شكراوه‌كانیان به به‌شداربووان.