زین عیراق سەنتەرێكی خزمەتگوزاری لە شوێنێكی نوێ لە كەركوك دەكاتەوە تا گونجاوتر بێت بۆ بەدەنگەوەچونی بەشداربوان

لەچوارچێوەی ستراتیژییەتی خۆی بۆ خزمەتكردنی بەشداربوان و پڕكردنەوەی پێداویستییەكان و داواكارییەكانیان و سوربونمان لەسەر نزیكیمان لە بەشداربوان لە هەر شوێنێكی عیراق بن، كۆمپانیای زین عیراق یەكێك لە كۆمپانیاكانی گروپی زین پێشەنگ لە خزمەتگوزاری پەیوەندییەكان و ئینتەرنێت لە ناوچەی خۆرهەڵاتی ناوەڕاست و باكوری ئەفریقا، گواستنەوەی سەنتەری خزمەتگوزارییەكان و فرۆشتن لە كەركوك بۆ پێگە نوێیەكەی رادەگەیەنێت، كە نوێكراوەتەوە و زیاتر گونجاوە بۆ بەدەنگەوەچونی بەشداربوانی.

لەوبارەیەوە بەڕێز لەیس ئەلعوبێدی بەڕێوەبەری فرۆشتن لە زین عیراق دەڵێت "بە پشت بەستن بە سوربونی هەمیشەییمان بۆ دەستەبەركردنی بەرزترین كوالیتی خزمەتگوزاری و بەرهەمەكانمان تا بەشداربوانمان بتوانن لە پەیوەندیدابن لەگەڵ جیهاندا، بابەتی پەیوەندی هەمیشەییمان لەگەڵ بەشداربوان كراوەتە پلە یەكی ئەركەكانمان. لەبەرئەوەی بایەخیشمان هەر بۆ بەشداربوانە، بۆیە بەردەوام كاردەكەین بۆئەوەی ئەو كلتورە لە هەموو هەنگاوەكانماندا جێبەجێ بكەین هەر لە پلاندانانەوە تا كردنەوەی سەنتەری فرۆشتن و خزمەتگوزاری تا دابینكردنی باشترین و خێراترین خزمەتگوزاری. ئەو پێگەیە نوێیەی سەنتەرە خزمەتگوزارییەكەشمان هەلی پتەوكردنی پەیوەندیمان لەگەڵ بەشداربوان پتەوتر دەكات بۆ دابینكردنی خزمەتگوزارییەكانیان. ئەو هەنگاوەش درێژكراوەی هەنگاوەكانی پێشومان، كە ماوەیەكی كەمی لەمەوبەر سەنتەرەكانمان لە سەرجەم پارێزگاكان نوێكردەوە و سەنتەری نوێشمان كردەوە".

جێی ئاماژەیە، كۆمپانیای زین عیراق سەدان بنكەی فرۆشتن و پێشكەشكردنی خزمەتگوزاری هەیە، كە لە پارێزگا جیاوازەكاندا بڵاوبونەتەوە، سەرەڕای 3 سەنتەری پەیوەندی خێۆڕایی بۆئەوەی بەدرێژای كاتژمێرەكان لەگەڵ بەشداربوان لەسەر هێڵ بێت، لە پاڵ بونی ماڵپەڕی ئەلیكترۆنی و پەیجەكانی لە تۆڕە كۆمەڵایەتییەكاندا، كە پەیجی زین عیراق لە فەیسبوكدا بە تەنها لەلایەن زیاتر لە 4.5 ملیۆن كەسەوە تەماشا دەكرێت.

ئەو هەنگاوەش لە چوارچێوەی هەوڵی كۆمپانیای زین-ە بۆ ئەوەی لە پەیوەندی بەردەوامدا بێت لەگەڵ بەشداربوانی لە سەرجەم پارێزگاكانی عیراق لە رێی تۆڕێكی بەرفراوانی سەنتەری خزمەتگوزاری و بنكەی فرۆشتن تا بە خێراترین و باشترین رێگا پێداویستییەكانیان دابین بكرێت. هەروەك سەنتەرەكە هەلی كڕین و گۆڕینی هێڵ بۆ بەشداربوان دەڕەخسێنێت، سەرەڕای دابینكردنی كارتی پڕكردنەوەی باڵانس و پارەدان، خزمەتگوزارییەكانی زین كاش و زین سمارت، پەیوەندیكردنی بەردەوامیش لەگەڵ كارمەندانی زین عیراق.

جێی باسە كۆمپانیای زین عیراق یەكێكە لەپێشكەوتوترین كۆمپانیاكان لەلایەنی تەكنەلۆژی لەعیراقدا. بەردەوام دەگەڕێت بۆ چۆنێتی هێنانی تەكنەلۆژیا و پێشكەشكردنی بەبەشداربوانی. هەروەك كۆمپانیا هەوڵدەدات بگات بە هەموو پێكهاتەكانی كۆمەڵگە و روماڵكردنی سەرجەم پارێزگاكانی عیراق، ئەویش لەرێی سەنتەرە جیاوازەكان و خاڵەكانی فرۆشتن بۆ ئەوەی خزمەتگوزارییەكان بەباشترین و خێراترین شێوە بگاتە هاووڵاتیان.